La Vall d'Aran

Conselh Generau d'Aran

Dirección:

Ço de Saforcada
25530 Vielha e Mijaran

Teléfono:

973641801

Fax:

973641769

Correo:

premsa(ELIMINAR)@(ELIMINAR)aran.org

Presidente:

Francés Boya (UA)

Web:

http://www.aran.org

La Vall d'Aran en fotos

• Glèisa de Vielha

  Població i Territori

  

  © Diputació de Lleida

  La Vall d'Aran

  Glèisa de Vielha

  Glèisa parroquiau de Sant Miquèu de Vielha. Era portada d’accés e bèth hiestrau corresponen ara bastissa prumèra, de transicion deth romanic ath gotic (s. XII-XIII), d’ua nau damb vòta de miei punt, de pèira, dividida en tres trams per arcades toraus perpanhs; en sègle XV s'ahigeren dues capelhes lateraus, eth cloquèr ei ahijut en sègle XVI, e finauments en sègle XVII-XVIII eth presbitèri ancian siguec enamplit damb un aute de fòrça mès gran, damb crotzèr damb cupula e lantèrna.

• Crist romanic de Salardú

  Població i Territori

  

  © Diputació de Lleida

  La Vall d'Aran

  Crist romanic de Salardú

  Talha romanica deth sègle XIII, d’uns 0,65 m de nautada, clavat en ua crotz acabada enes estrems en quate plafons quarrats e ua espiga longa en inferior. Era figura pòrte barba, eth còs ei cubèrt per ua pelha de talha e a es pès clavadi damb dus claus. Aué presidís er autar major dera glèisa de Sant Andrèu de Salardú.

• Pintures muraus d’Unha

  Població i Territori

  

  © Diputació de Lleida

  La Vall d'Aran

  Pintures muraus d’Unha

  Detalh d’ua faça des pintures muraus dera glèisa d’Unha. Era glèisa parroquiau de Santa Eulàlia ei plaçada ena part nauta dera poblacion d’Unha, en municipi de Salardú. Ei romanica (s XII), de tres naus; conserve ua interessanta pica baptismau romanica, e eth cloquèr, independent, ei de 1775.

• Glèisa de Sant Père en Escunhau

  Població i Territori

  

  © Diputació de Lleida

  La Vall d'Aran

  Glèisa de Sant Père en Escunhau

  Era glèisa parroquiau de Sant Père en Escunhau ei de bastissa romanica (s.XII). Eth laguens ei d’ua nau. A ua portalada de grana valor de dus arcs, damb er anagrama de Crist, colonetes e capitèths laurats.

• Glèisa de Sant Joan d’Arties

  Població i Territori

  

  © Diputació de Lleida

  La Vall d'Aran

  Glèisa de Sant Joan d’Arties

  Anciana parròquia deth municipi de Salardú, laguens der ancian tèrme d’Arties, a dreta dera Garona, ath N dera vila. Ei ua bastissa gotica deth s XIII, e se cre qu’apartiege as espitalèrs. A estat restaurada (1975) pera Fondacion Musèu Etnologic dera Val d’Aran, ara quau a estat cedida pera mitra d’Urgell entà plaçà’i un musèu etnologic d’objèctes religiosi.

• Glèisa de Sant Feliu en Vilac

  Població i Territori

  

  © Diputació de Lleida

  La Vall d'Aran

  Glèisa de Sant Feliu en Vilac

  Era glèisa parroquiau de Sant Feliu en Vilac, bastissa romanica des ss XII-XIII, a ua pòrta remarcabla damb un timpan esculpit e un Pantocràtor; eth cloquèr ei de planta quarrada, damb dus hiestraus gotics. Eth crotzèr ei deth 1824. Era pica baptismau e era beneditèra son romaniques e ben decorades. Ath cant dera glèisa i ère eth castèth de Vilac, de planta quarrada, aué despareishut.